مسموح يااللي بالغرام صحيت فيني ميت الروح
مسموح يوم صمتك لوع القلب و أجرى أدمعه
اعترافك هيج شجوني و القلب من احزانه ينوح
من بعدما ودعني خيالك و دمع عيني يتبعه
يوم اتـذكـرك يمي و طيفك على بالي يلوح
يحس صدري بلوعة تكوي خافقي و أضلعه
كان حـبـك ينبت ورد الهوى لين في قلبي يفوح
واليوم برد الجفا أتلف ورد الحب و قطعه
حرّقت قلبي العبرات و انكوى من كثرة النوح
بح صوته من النحيب و لا فيه من يسمعه
كنت في بحور الهوى و الشوق دايم سبوح
و اليوم أنا تايه و مركبي تقطعت أشرعه
ما فادني كثر الكلام و لا فادني كثر الشروح
تسري أحزاني مثل الريح مراكب مسرعه
تجرح الونات خافق من سالف الايام مجروح
و برد الفراق يغلب صبر الشجاع و يصرعه
مسموح ياللي قد نويت درب الرحيل مسموح
عسى اللي أبـعــد لـذيـذ النوم عن عيني يـرجـعـه.
ابدعت خيوو
يعطيك العافيه بانتظار جديدك
دمت بخير